2Pe 2 | PONPDN | STEP | Aren men lsrael saukop likam kai pil mia, duen saunpadak likam me pan mi re omail, me pan kawailon. do pwin sued kai, o re kin kamamki Kaun o, me dore ir ala, a i me re pan kare on pein irail kaopar madan.

2 Peter 2

1 Aren men lsrael saukop likam kai pil mia, duen saunpadak likam me pan mi re omail, me pan kawailon. do pwin sued kai, o re kin kamamki Kaun o, me dore ir ala, a i me re pan kare on pein irail kaopar madan. 2 O me toto pan idauen ar padak sapun, i me lamalam melel me pan kaankaururla. 3 O pweki ar nonorok ni lokaia widin re pan paie kin komail; ari, kadeik par duen men mas sota pan pwand, o ar pakamekam sota kin moleilei. 4 Pwe, ma Kot sota kotin kupura tounlan ko, me wiadar dip, a a kotin kase ir di lan nan pweleko, ap salie kidi sal mata en rotorot, nekineki on ran en kadeik. 5 O ma a sota kupura men kaua kan, a kamaureda Noa, saunpadak en lamalam pun, ianaki pil isimen, ni a kotikl on toun sappa sued nolik lapalap. 6 O a kotin wia kila pas kanim Sodom o Komora, o wukidedi, o kadeik ira da en ola, o wia kin ira kilel eu on me san Kot akan, me pan pwarado mur. 7 O a kotin kapitala Lot pun amen, me aramas sued wiai on son en me sued karos ni ar tiak sued. 8 Pwe i ol pun o kaukauson nan pun arail, kilekilan o roneron ar wiawia, kupur a pun ap lokelokki ar wiawia sapun kaukaule. 9 A Kaun o kotin kak on kamaiola san ni sonapan lelapok kan o nekinekid on ran en kadeik me sapun kan, pwe ren kalokolok. 10 A irail eta, me weweid ni inon samin en pali uduk, o mamaleki monsap akan, o laumaum, o katiwo, o somasak, o lalaue me linan akan. 11 A tounlan kan, me lapalap o kelail san irail, sota kin lalaue o kadeik irail da mon Kaun o. 12 A mepukat rason man akan, me sota ar lamelam, me udan kileledier on salidi o kamela, pwe re lalaue, me re sasa, o re pan mekila ar wiawia sued. 13 Re pan ale katin en ar sapun. Re kin kasampwaleki kaped en mana ni ran o. Irail men kasamin, o kanamenok, o kin ponmasuki omail mairon, o sokraui omail kapwa. 14 O por en masarail me dir en kamal, o re sota kak dukedi san wia dip, kotakotaue ir, me monion ar so ten, o monion arail nonorok, iei seri en rialar akan. 15 Me kasela al inen, ap salonala, idedauen al en Pileam, nain Peor, me pok on pwain en me sapun. 16 A a pokoki dip a, man as loton lokelokaia ki nil en aramas, kapueoki san saukop o ni a wiawia sapun. 17 Irail me rason utun pil matada, o dapok me melimel kin iririp sili; nan rotorot lapalap me nekinekid on irail. 18 Pwe re kin kida padak aklapalap, me sota kadepa, o ni ar wiawia samin, re kin kainon ion inon sued en uduk, irail me apton muei san me sapunki padak likam. 19 Re inauki on irail, ren saledokala, a pein irail ladu en kasuedpar. Pwe melel, me amen lodi oner, i me a kin liduie kila. 20 Pwe ma re pitila san nan pwel en sappa, ki ar asaer Kaun o Saunkamaur Iesus Kristus, rap pur on liselepin kila o lodi on I nan ar wiawia en mur me sued san men mas. 21 Mak eta, ma re sota asa duen al en pun, san ar asa, ap wuki wei san kusoned saraui, me re aleer. 22 Pwe, karaseras o pwaida re ’rail, me inda: Kiti men kin pur on kan a mus, o pwik, me duduer, pur on uledok nan pwel.